বিমানকোঠত মহিলা পুৰুষৰ মাজত কেৰম আৰু চেছ প্ৰতিযোগীতা

আজিৰ খবৰ, গুৱাহাটী, ২৬ আগষ্ট, ২০২২ : বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত মহিলা আৰু পুৰুষ কৰ্মচাৰীৰ মাজত এখ সাপ্তাহীক কেৰম আৰু চেছ প্ৰতিযোগীতাৰ আয়োজন কৰা হয়। উল্লেখযোগ্য যে আজাদী কা অমৃত মহোৎসৱৰ লগত সংগতী ৰাখি, প্ৰায় যোৱা সাত দিন ধৰি একেৰাহে চলি থকা খেলখনৰ আজি সামৰণি পৰে। খেলৰ ফলাফল আজি ঘোষণা কৰা হয়। ফলাফল অনুসৰি, পুৰুষৰ কেৰম শাখাত ইন্দিগ’ বিমানসেৱাৰ কৰ্মচাৰী, সুনিল বাচফৰ বিজয়ী ঘোষিত হয়, লগতে এ এ আইৰ তৰফৰ পৰা গৌতম বৰুৱা আৰু এয়াৰ ইন্দিয়াৰ ফালৰ পৰা গৌতমজুম দাৰে ক্ৰমান্বয়ে প্ৰথম আৰু দ্বিতীয় ৰাণাৰছ আপ লাভ কৰে। একেদৰে মহিলা কেৰম শাখাত এ এ আইৰ হেমা কোৱৰ বিজয়ী ঘোষিত হয় লগতে বৰ্ষা দেবীয়ে প্ৰথম ৰাণাৰছ আপ লাভ কৰে। আনহাতেদি চেছ প্ৰতিযোগীতাত, পুৰুষৰ শাখাত এ এ আইৰ কৰ্মচাৰী চালাম বিৰজীত সিংক বিজয়ী ঘোষিত কৰা হয় লগতে গৌৰৱ প্ৰকাশ আৰু তৰণজিৎ সিংক ক্ৰমান্বয়ে প্ৰথম আৰু দ্বিতীয় ৰাণাৰছ আপৰ পদক প্ৰদান কৰা হয়। উক্ত খেলখন বিমানকোঠৰ সমূহ কৰ্মচাৰীৰ উদ্যোগত অনুষ্ঠিত কৰা হৈছিল। বটা বিতৰণী সভাৰ মুখ্য অতিথি হিচাপে উপস্থিত আছিল বিমানকোঠৰ মুখ্য কাৰ্যবাহী বিষয়া (COO) স্নেহাশীষ দত্ত। ভাষৰণত তেখেতে মানুহৰ দৈনন্দিন জীৱনত খেলৰ উপযোগীতাৰ বিষয়ে সদৰী প্ৰকাশ কৰাৰ লগতে সমূহ বিজয়ীসকলক উৎসাহ প্ৰদান কৰে।