সমগ্ৰ অসমৰ লগতে নলবাৰী জিলা কৃষি বিষয়াৰ কাৰ্যালয়ৰ উদ্যোগতো কাতি বিহু উৎযাপন

আজিৰ খবৰ, নলবাৰী, ১৮ অক্টোবৰ, ২০২৫: আজি অসমীয়াৰ বাপতি সাহোন কাতি বিহু উপলক্ষে নলবাৰী জিলা কৃষি বিভাগৰ সৌজন্যত মৰোৱা, টিহু, মুকালমুৱাতো কাতি বিহু উদযাপন কৰা হয়। কেন্দ্ৰীয় তথা ৰাজ্য চৰকাৰে কৃষি বিভাগৰ দ্বাৰা কৃষক সকলৰ কল্যাণ অৰ্থে লোৱা গুৰুত্বপূৰ্ণ আঁচনি সমূহ অৱগত কৰিবলৈ এখন সজাগতা সভাৰ আয়োজন কৰা হয়। উক্ত অনুষ্ঠানত উপস্থিত থাকে প্ৰাক্তন বিধায়ক তথা GMDA ৰ অধ্যক্ষ নাৰায়ণ ডেকা, নলবাৰী জিলা আয়ুক্ত নিবেদন দাস পাটোৱাৰী, অতিৰিক্ত জিলা আয়ুক্ত (কৃষি) জোণ্টি ডেকা, জিলা কৃষি বিষয়া প্ৰবীন চন্দ্ৰ মেধি, মহকুমা কৃষি বিষয়া ইমদাদ হুছেইন ঠাকুৰীয়া, কৃষি বিভাগৰ বিষয়া কৰ্মচাৰীসকলৰ লগতে শতাধিক কৃষক ৰাইজ ।

কাতি বিহু উদযাপন তথা ৰাষ্ট্ৰীয় কৃষি বিকাশ যোজনা আঁচনিৰ সজাগতা সভাৰ লগত সংগতি ৰাখি উক্ত আঁচনি সন্দৰ্ভত কৃষক ৰাইজক সুন্দৰকৈ অৱগত কৰোৱা হয়। স্থানীয় কেইবাজনো কৃষক সম্বৰ্ধনা জ্ঞাপন কৰা হয়।

ইয়াৰে পিছতে  গাঁওবাসী ৰাইজৰ সৈতে খেতি পথাৰত আকাশ বন্তি জ্বলোৱাৰ লগতে খেতি পথাৰত কৃষক ৰাইজৰ সৈতে বন্তি জ্বলাই সমগ্ৰ জিলাৰ প্ৰতিখন খেতি পথাৰ, প্ৰতিটো ভঁৰাল সোণোৱালী শইচেৰে উপচি পৰক তাকে প্ৰভু আই লক্ষ্মী শ্ৰী চৰণত প্ৰাৰ্থনা জনোৱা হয়।