আজিৰ খবৰ,গুৱাহাটী, ৩০ জুলাই : চুলাই মদৰ বেহা সম্পূৰ্ণৰূপে বন্ধ কৰাৰ বাবে কামৰূপ জিলাৰ বিভিন্ন ঠাইত আবকাৰী বিভাগে অভিযান চলাই আছে৷ ইয়াৰে অংশ ৰূপে যোৱা ২৮ জুলাইৰ পৰা আজিলৈ এই তিনিদিনত আমিনগাঁও বজাৰ এলেকাৰ ২৬ নং কলনি, লঠীয়া বাগিচা আৰু বংশৰ অঞ্চলত অভিযান চলাই দুজন ব্যক্তিৰ বিৰুদ্ধে আবকাৰী (সংশোধনী) আইন-২০১৮ ৰ ৫৩ (১)ক ধাৰাৰ অধীনত গোচৰ ৰুজু কৰি ন্যায়িক জিম্মালৈ প্ৰেৰণ কৰা হৈছে। আনহাতে এই অভিযানত প্ৰায় ১১৩ লিটাৰ চুলাই মদ আৰু ২,২০০ কিলোগ্ৰাম মদ বনোৱা পাচ ধ্বংস কৰা হয়।