আজিৰ খবৰ, লণ্ডন, ২৩ জুন, ২০২২ : ৰাছিয়াত জন্মগ্ৰহণ কৰা মহিলা টেনিছ খেলুৱৈ নাটালা জালিমিডজে বছৰটোৰ তৃতীয় গ্ৰেণ্ড শ্লেম উইম্বলডনত খেলিবলৈ নিজৰ নাগৰিকত্ব সলনি কৰিছে। তেওঁ এতিয়া জৰ্জিয়াৰ নাগৰিক হিচাপে ২৭ জুনৰ পৰা আৰম্ভ হ’বলগীয়া প্ৰতিযোগিতাখনত গ্ৰাছ কোৰ্টলৈ যাব। ২৯ বছৰীয়া মহিলা ডাবলছ খেলুৱৈ নাটালাৰ জন্ম ৰাছিয়াৰ ৰাজধানী মস্কোত হৈছিল। ইউক্ৰেইন আক্ৰমণ কৰাৰ বাবে ৰাছিয়াৰ খেলুৱৈসকলক উইম্বলডনত খেলিবলৈ নিষিদ্ধ কৰা হৈছে। সেয়েহে, ডাবলছত ৪৪ তম স্থান প্ৰাপ্ত খেলুৱৈজনে তেওঁৰ দেশৰ নাগৰিকত্ব ত্যাগ কৰিছে আৰু জৰ্জিয়াৰ নাগৰিকত্ব গ্ৰহণ কৰিছে। নাটালা জালেমিডজে উইম্বলডনৰ সেউজীয়া ঘাঁহত ছাৰ্বিয়ান খেলুৱৈ এলাক্সেন্দ্ৰা ক্ৰুনিকৰ সৈতে যুটি বান্ধিব। অল ইংলেণ্ড ক্লাবৰ এজন মুখপাত্ৰই কৈছে যে খেলুৱৈসকলৰ ৰাষ্ট্ৰীয়তা, যাক এক পেছাদাৰী কাৰ্যসূচীৰ জৰিয়তে সংজ্ঞায়িত কৰা হয়। ই হৈছে এক সন্মতি প্ৰক্ৰিয়া, যাক ট্যুৰ আৰু আন্তৰ্জাতিক টেনিছ এছ’চিয়েচন (আইটিএফ)ৰ দ্বাৰা নিয়ন্ত্ৰিত কৰা হয়। অল ইংলেণ্ড ক্লাবে এপ্ৰিলত ৰাছিয়া আৰু বেলাৰুছৰ খেলুৱৈসকলক বছৰটোৰ উইম্বলডনত অংশগ্ৰহণ কৰাৰ ওপৰত নিষেধাজ্ঞা আৰোপ কৰিছিল। তেওঁ কয় যে ৰাছিয়াই বেলাৰুছৰ সহায়ত এই বছৰৰ ফেব্ৰুৱাৰীত ইউক্ৰেইন আক্ৰমণ কৰিছিল। ৰাছিয়া আৰু বেলাৰুছৰ খেলুৱৈসকলৰ ওপৰত নিষেধাজ্ঞা আৰোপ কৰা পিছত, মহিলা টেনিছ সংস্থা (ডব্লিউটিএ), পেছাদাৰী টেনিছ এছ’চিয়েশ্যনে (এটিপি) ঘোষণা কৰে যে তেওঁলোকে উইম্বলডনৰ ফলাফলক ৰেংকিং পইণ্ট নিদিব। জালেমিদজেৰ নাগৰিকত্বৰ পৰিৱৰ্তন প্ৰথমে ব্ৰিটেইনৰ চানডে টাইমছে প্ৰকাশ কৰিছিল। ইয়াৰ বিপৰীতে ৰাছিয়াৰ খেলুৱৈসকলক বছৰটোৰ চতুৰ্থ আৰু অন্তিম গ্ৰেণ্ড শ্লেম ইউএছ অ’পেনত খেলিবলৈ অনুমতি দিয়া হৈছে। শেহতীয়াকৈ, আমেৰিকা যুক্তৰাষ্ট্ৰৰ টেনিছ এছ’চিয়েশ্যনৰ মুখ্য কাৰ্যবাহী বিষয়া আৰু কাৰ্যবাহী সঞ্চালক লিউ শ্বেৰে কৈছিল যে ৰাছিয়ান আৰু বেলাৰুছ খেলুৱৈসকলে ২৯ আগষ্টৰ পৰা ইউএছ অ’পেনত খেলিব পাৰিব। অৱশ্যে, দুয়োখন দেশৰ খেলুৱৈয়ে তেওঁলোকৰ নিজৰ দেশৰ অধীনত নহয়, কিন্তু নিৰপেক্ষ পতাকাৰ তলত খেলিব। উল্লেখনীয় যে ৰাছিয়াৰ দ্বাৰা ইউক্ৰেইনৰ ওপৰত হোৱা আক্ৰমণৰ ফলত ৰাছিয়াৰ দলটোৱে এই বছৰৰ শেষৰ ফালে ফুটবল বিশ্বকাপত খেলিব নোৱাৰিব।